Astacia,
schiava di Sanluri
di Sergio Sailis
In
precedenti articoli ( Maria, una schiava di Sanluri ) abbiamo dato conto di schiavi sardi catturati presumibilmente
dopo la battaglia di Sanluri del 30 giugno 1409 ed in modo particolare di Maria di
proprietà di Bartolomeo Pellisser abitante di Bleda (Maiorca) che aveva
riacquistato la libertà prima del 1416 senza però far rientro nella terra natia.
Qualche
anno dopo, precisamente il 21 marzo del 1419, anche un’altra schiava sarda di
nome Astacia, sempre originaria di Sanluri, ebbe la fortuna di riacquistare la
libertà da un certo Iacobus Gali, un uomo d’affari e cittadino barcellonese che
all’epoca si trovava a Pisa dove, in remissione dei propri peccati,
sottoscrisse innanzi al notaio due atti volti appunto a ridare gratuitamente la
libertà ad Astacia. Ai due atti presenziarono in qualità di testimoni altri due
mercanti iberici Francesc Despi di Tortosa e Hohanne Gregorii di Valencia
anch’essi abitanti a Pisa.
A
differenza di Maria non sappiamo però se Astacia sia potuta o voluta rientrare
in Sardegna una volta riottenuta la sua libertà.
Pisa 21 marzo 1419
Firenze, AS, Notarile
antecosimiano, 18791, fasc. 3, Nr. 46
Noverint universi quod ego Iacobus Gali mercator, civis
Barchionie, gratis et ex certa scientia ob Dei reverentiam et in peccaminum
meorum remissionem manumitto et francham, liberam et alforram facio et voco te
Astaciam a sardam, servam et captivam meam, oriundam ville de Sent Luri regni
Sardinie, dans et concedens tibi et progeniei te processure puram et
perfectissimam libertatem, dimittensque et exhimens ac nichilominus liberans te
ab omni iugo, dominio et servitute mei et meorum et ab omni conditione et
operis seu operum impositione, tam obsequalium, artificialium et fabrilium quam
aliorum quorumcumque. Ego enim gratis et ex certa scientia remitto tibi totum pecculium,
si quid habes, et omnia iura patronatus et quelibet alia iura que consistant in
operibus obsequendalibus, artificialibus et fabrilibus et in successionibus et
aliis quibuscumque, et restituo te nathalibus antiquis et iuri ingenuitatis ac
iuri primevo, secundum quod omnes homines liberi nascebantur nec erat illis
temporibus manumissio introducta cum servitus erat incognita. Hanc itaque
manumissionem, franquitatem, libertatem et alforriam facio tibi et progeniei a
te processure pure, libere et absolute et sicut melius dici potest et intelligi
ad tuum tuorumque salvamentum et bonum etiam intellectum, ita quod amodo possis
ire, redire, stare et esse ubique, et quemcumque dominum seu dominos eligere et
proclamare possis etiam testari, contrahere et pacisci et esse in iudicio et
omnia alia facere et libere exercere quecumque et quemadmodum quilibet pater
familias et civis romanus ac persona libera et alforra ac iuri seu captivitati
alicuius non subiecta facere potest, ac si ingenua esses et nunquam servitutis
maculam habuisses. Insuper convenio et bona fide promitto ‹tibi dicte Astacie›,
licet absenti, et tuis necnon et notario infrascripto tanquam publice persone
pro te et tuis et aliis etiam personis omnibus quarum interest et intererit
recipienti et percipienti ac etiam legittime stipulanti, ac eciam sponte puro
in animam meam per dominum Deum et eius sancta quatuor evangelia manibus meis
corporaliter tacta presentem manumissionem, franquitatem, libertatem et alforriam
ac alia predicta omnia et singula semper ratam, gratam et firmam rataque, grata
et firma habere, tenere et observare et in nullo contrafacere vel venire
ratione ingratitudinis nec ex quacumque alia ratione, iure seu causa,
renuncians quantum ad hec legi sive iuri dicenti manumissionem, franquitatem et
alforriam propter ingratitudinem vel alia quacumque causam posse revocari seu
irritari et omni alii iuri, rationi et consuetudini contra hec repugnantibus.
Novissime volo ego dictus Iacobus Gali quod de hiis fiant tibi et tuis tot quot
volueris et petieris e ac voluerint et petierint publica instrumenta per notarium
infrascriptum. Actum etc.
Actum Pisis in apotheca turris heredum Bacciamey Leuli posita
in cappella sancti Sebastiani kinziche, presentibus Francisco Despi de Tortosa
et Iohanne Gregorii de Valencia mercatoribus, habitatoribus Pisarum,
testificantibus cognoscere dictum Iacobum Gali esse illum eundem de quo supra
sit mentio, et presentibus Ser Marco notario quondam Marci de Scharsis de
Sancto Iusto de cappella sancti Sebastiani suprascripta et Nanne filio Pezini
Balbi de cappella sancti Casserani, pisanis civibus, testibus ad hec vocatis et
rogatis, dominice incarnationis anno M°CCCC°XVIIII°, indictione XII., die XXI.
martii secundum cursum pisarum.
Pisa 21 marzo 1419
Firenze, AS, Notarile antecosimiano, 18829,
fol. 581v–582r
Iacobus Gali mercator, civis Barchionie, gratis et ex certa
scientia ob Dey reverentiam et in premium et remissionem peccatorum eius
manumisit et francham, liberam et alforam fecit et vocavit Astaiam sardam,
servam et cattivam suam, oriundam ville de Sentluri regni Sardinee, licet absentem,
dans et concedens mihi Iuliano notario suprascripto ut publice persone
recipienti pro ea et progenie sua a se processura et eidem Astagie, licet
absenti, puram et perfectissimam libertatem, dimittensque et exhimens ac
nichilominus liberans ipsam, licet absentem, ab omni iugo, dominio et servitute
eius et suorum et ab omni conditione et operis ‹seu› operarum impositione, tam
obsequalium, artificialium et fabrilium quam aliorum quorumcumque, remittens eidem
ex certa scientia gratis sibi, licet absenti, totum peculium si quod habeat et
omnia iura patronatus et quelibeat alia iura que consistunt in operibus
obsequalibus, artificialibus et fabrilibus et in successionibus et aliis quibuscumque, et restituens eam
natalibus antiquis et iuri inienuitatis ac iuri primevo, secundum quod omnes
homines liberi nascebantur, nec erat illis temporibus manumissio introducta cum
servitus esset incognita, hanc itaque manumissionem franquitatem libertatem et
alforiam faciens sibi, licet absenti, et progeniei a se processure pure, libere
et absolute et sicut melius dici potest et intelligi ad suum suorumque
salvamentum et bonum etiam intellectum, ita quod amodo possit ire, redire,
stare et esse ubique, et quemcumque dominum seu dominos eligere et proclamare,
possit etiam testari, contrahere ac pacisci et esse in iudicio et omnia alia
facere et libere exercere quecumque et quemadmodum quilibet pater familias et
civis romanus ac persona libera et alforra ac iuri seu captivitati alienis non subiecta
facere potest, ac si ingenua esset et nunquam servitutis maculam habuisset. Insuper
dictus Iacobus Gali convenit et bona fide promisit mihi Iuliano notario
infrascripto stipulanti et recipienti ut supra et dicte Astagie, licet absenti,
et suis et aliis etiam personis omnibus quarum interest et intererit et sic
sollempniter mihi Iuliano notario infrascripto recipienti et paciscenti ac
etiam legiptime stipulanti promisit ac etiam sponte iuravit in animam suam per
dominum Deum et eius sancta quatuor evangelia, manibus suis corporaliter tactis
scripturis, presentem manumissionem, francquitatem, libertatem et alforriam ac
alia predicta omnia et singula semper ratam, gratam et firmam rataque, grata et
firma habere, tenere et observare et in nullo contrafacere vel venire ratione
ingratitudinis nec ex quacumque alia ratione iure seu causa, renuncians quantum
ad hec legi sive iuri dicenti manumissionem franquitatem et alforriam propter
ingratitudinem vel aliam quamvis causam posse revocari seu irritari et omni
alii iuri rationi et consuetudini contra hec repugnantibus, novissime volens
dictus ipse Iacobus Gali quod de hiis fiant sibi Astagie et suis tot quot
voluerit et petierit et voluerint et petierint publica instrumenta per me Iulianum notarium infrascripotum.
Actum Pisis in apotheca turris heredum Bacciamey Leuli posita
in cappella sancti Sebstiani kinziche, presentibus Francisco Despi de Tortosa
et Hohanne Gregorii de Valentia mercatoribus, habitatoribus Pisarum., testificantibus se cognoscere dictum
Iacobum Gali esse illum eundem de quo supra fit mentio, et presentibus Ser
Marco notario quondam Marci de Scharsis de sancto Iusto de cappella sancti
Sebstiani suprascripta et Nanne filio Pezini Balbi de cappella sancti
Casserani, pisanis civibus, testibus ad hec vocatis et rogatis, dominice incarnationis
anno M°CCCC° nonodecimo, indictione duodecima, die vigesimo primo Martii.
Trascrizione
a cura di Christoph Cluse.
Nessun commento:
Posta un commento